Një aksident ka ndodhur në Rrugën e Kombit këtë të Shtunë, ku një grua ka humbur jetën.
Viktima është Gjelina Lleshi, 65 vjeçe.
Policia njoftoi se “në aksin rrugor Lezhë-Milot, në afërsi të një karburanti, automjeti me drejtuese shtetasen B.Ll., është përplasur me automjetin me drejtues shtetasin J.L.”.
Si pasojë e përplasjes, u lëndua 65-vjeçarja, e cila u transportua për në spitalin e Traumës Tiranë, por nuk mundi të mbijetojë.
“Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes”, njoftoi policia.
