Kamioni me drogë i kapur në Mal të Zi, Policia konfirmon: U fut nga Hani i Hotit

Policia konfirmon se kamioni me drogë që u ndalua në Mal të Zi u fut në shtetin fqinjë nga dogana e Hanit të i Hotit, Shkodër.

“Në Malin e Zi është kapur një kamion, brenda të cilit, autoritetet doganore dhe policore të Malit të Zi, kanë gjetur një sasi lënde narkotike cannabis sativa. Nga veprimet e para hetimore të përbashkëta të kryera nga autoritetet doganore dhe policore të Malit të Zi dhe të Policisë së Shtetit, paraprakisht rezulton se kamioni ka kaluar nga pika e kalimit kufitar Hani i Hotit, Shkodër”, njofton policia shqiptare.

LEXO EDHE  “Të parandalohet me çdo kusht kultivimi i bimëve narkotike”

“Grupi hetimor i ngritur në Policinë e Shtetit po vazhdon kryerjen e veprimeve procedurale në territorin e vendit tonë, duke koordinuar veprimet me palën malazeze”, shtuan të njëjtat burime.