Tentojnë t’i ikin policisë, por përplasen me bordurën. Autorët braktisin makinën dhe arratisen

Disa persona janë arratisur teksa policia u ka bërë shenjë të ndalonin. Ngjarja ka ndodhur në Qafë-Kashar, orët e para të mëngjesit.

“Rreth orës 02:45, në Qafë-Kashar, shërbimet e Policisë i kanë bërë shenjë ndalimi një mjeti, i cili nuk ka ndaluar dhe është larguar në drejtim të Fushë-Krujës. Në tentativë për t’u larguar nga Policia, në Fushë-Krujë, mjeti është përplasur me një bordurë. Personat që ndodheshin në mjet, kanë dalë dhe janë larguar, duke braktisur mjetin. Pas verifikimeve nga Policia, targat e mjetit rezultojnë të vjedhura disa ditë më parë. Grupi hetimor po punon për identifikimin dhe kapjen e autorëve dhe sqarimin e rrethanave të ngjarjes”, njoftoi policia.

LEXO EDHE  Brataj tregon simptomat: Si të dalloni nëse jeni të prekur me “Omicron” apo “Delta”