Napoli jashtë Kupës së Italisë, Fiorentina e eliminon pas 120 minutash lojë

Foto: AFP

Napoli humb mundësinë për të fituar Kupën e Italisë, pasi u eliminua prej Fiorentinës, Skuadra e Spaletit u mund 2-5 në shtëpi, në një ndeshje me shumë polemika, por dhe me spektakël.

Fiorentina kaloi në avantazh me sulmuesin Vlahoviç, por që zgjati pak sepse napoletanët barazuan me Dris Mertens. Miqtë ngelën me 10 lojtarë pasi portieri Dragovski doli me karton të kuq. Megjithatë Fiorentina nuk u dorëzua dhe përmbysi rezultatin me Biragin. Në fund edhe Napoli mbeti me 10 lojtarë, me Lozanon që u ndëshkua pas një ndërhyrjeje të rëndë.

LEXO EDHE  Duel Milan-Juve, mesfushori i Kombëtares shqiptare fut në “sherr” gjigandët italianë

Kur dukej se ndeshja do përfundonte, Petanja realizoi golin e barazimit për Napolin.

U desh koha shtesë që të vendosej fituesi. Fiorentina i vuri kapakun sfidës me dy gola të shpejtë të Venutit dhe Piontek. Për këtë të fundit, ky ishte goli i parë për polakun me vjollcët. Golin e pestë e shënoi Maleh në minutën e 119.