Gazment Bardhi ka mohuar se brenda Artisë Demokratike ditën e protestës ka patur persona të rrezikshëm.
I ftuar në ‘Opinion’ Bardhit i janë vënë në dispozicion një foto ku brenda selisë së PD pastruesje e institucionit dhe disa persona të maskuar pozonin sëbashku me një person të rrezikshëm, për të cilën Gazment Bardhi mohoi të kishte dijeni.
Ndërkohë Bardhi ka deklaruar se nuk njeh as personat që kanë dhunuar protestuesit që po ngjiteshin në ballkonin e PD.
Pjesë nga debati:
Gazetari: Kush janë fotot me personat e maskuar brenda PD?
Bardhi: Nuk i njoh fare se kush janë. Ajo zonja ëhstë nëna e PD-së. Kjo foto nuk e di ku ëhstë bërë. Di që zv-Drejtori i Përgjithshëm i Policisë Tonin Vocaj, dhe ish-zv.Drejtori i përgjithshëm Agron Kuliçaj, po përgatisnin një skenar në PD, dhe ne këto materiale ua kemi vënë shërbimeve partnere.
Gazetari: Po zonjën e njihni?
Bardhi: Po zonjën e njoh
Gazetari: A e keni pyetur se kush janë?
Bardhi: E kam pyetur por nuk e mbante mend të kishte dalë foto.
Gazetari: Po këta që rrihen tek Ballkoni i selisë kush janë?
Bardhi: As këta nuk i njoh. Por di të them se aty ishte vija e kuqe e zyrës së kryetarit të partisë.
