Aktorja Arjola Demiri është në qendër të vëmendjes së mediave pas pjesëmarrjes në “Big Brother VIP”.
Në spektaklin e së martës, Arjola rrëfeu historinë e jetës duke treguar me detaje problemet me ish bashkëshortin, tradhtinë, tentativën për vetëvrasje dhe marrëdhënien me tre fëmijët. Tradhëtia e tij kishte zgjatur për 6 vite me radhë, ndërkohë që Arjola ka pranuar publikisht se ish-bashkëshorti e dhunonte fizikisht.
Arjola ka treguar gjithashtu se ish-bashkëshorti i mbajti për një kohë të gjatë vajzën e madhe dhe beteja për të bashkuar familjen ka qenë e gjatë dhe e vazhdueshme.
Bazuar në fotografitë që kanë qarkulluar në rrjet, ish bashkëshorti i aktores është Ajaks Boshnjaku, një emër i njohur për mediat, shkruan ‘Albeu.com’.
Ai u bë i njohur në tetor te 2018 ku ishte i përfshirë në masakrën e ish-Bllokut ku mbeti i vrarë Fabiol Gaxha. Ajaksi, miku i i Ervin Matës u akuzua për moskallëzim krim.
Aso kohe, miku i Ervin Matës ka deklaruar se ka qenë në lokal në fillim te sherrit dhe se ka dalë nga lokali sapo ka nisur përleshja.
“Dola nga lokali sapo nisi konflikti mes dy grupeve. Nuk kam asnjë lidhje, përveçse i njoh si Ervin Matën, po ashtu edhe Ervis Martinajt. U largova në fillim pasi u tremba se mund të ndodhte diçka tjetër. Unë nuk kam sulmuar askënd, as kam dijeni që aty do ndodhte një përplasje. U dorëzova pasi mora vesh që isha në kërkim. Kam qënë i frikësuar, por nuk kam lidhje”, deklaroi Ajaksi.
Gjithashtu, burime për Albeu.com bëjnë me dije se Ajax Boshnjaku është sot babi i dy djemve binjak me një grua tjetër me të cilën Arjola Demiri ka edhe çështje penale.
Arjola ka treguar se ka marrë më në fund kujdestarinë e 3 fëmijëve që ka patur nga bashkëjetesa me Ajaxin, pasi ajo nuk ka patur një celebrim me ligj me të.
