Dorina Mema ka deklaruar se meshkujt “po i marrin fustanet femrave” dhe se ato po vuajnë për të pasur një burrë të vërtetë në krah.
Gjatë një interviste, modelja e fitness ngriti pikëpyetje se “nëse të gjithë meshkujt bëhen gay atëherë me kë do martohen femrat?”, duke theksuar se duhet ruajtur institucioni i familjes.
Sportistja u shpreh se “ky vend qan për dy gram burrëri dhe ka nevojë për këtë gjë”.
“Ne femrat kemi nevojë për meshkuj. Nëse të gjithë meshkujt bëhen gay atëherë me kë do të martohemi ne? Është një kërkesë normale të femrave në botë. Unë po shikoj që shumë firma nëpër botë bëjnë promovimin e një mashkulli të veshur me fustan, na kanë marrë fustanet. Po flas të drejtën, ne femrat kemi nevojë për burra, çne burri të veshi fustan. Kanë dëshira seksuale? Brenda dhomës të bëjnë ç’të duan por jo të promovojnë për fëmijët tanë këtë lloj jete. Për burrëri ka nevojë ky vend, ndaj qan ky vend, për dy gramë burrëri. Ne jemi shqiptar, ne jemi tjetër lloj gjaku. Ne e ruajmë institucionin e familjes. Ne vijmë nga prindër që na kanë mbuluar… jemi 30 vjeç dhe na vijnë ende na mbulojnë me batanije natën, kujdesen për ne.
Institucioni familjar çfarë sjell? I mban fëmijët larg veseve. I detyron dhe i kërkon llogari për tu shkolluar, të sjellë një ekonomi në familje. Familja është shtylla dhe baza e shoqërisë”, deklaroi ajo në “ABC-ja e Pasdites”.
Deklarata e saj ka revoltuar biznesmenin e njohur gay, Elton Ilirjani, i cili ka shpërthyer me disa postime në rrjetet sociale.
“Meqënëse u fol se meshkujt nuk duhet të veshin fustan. Epo kur bëhen gratë dhe vajzat xheloze për gay. Zemra, ata meshkuj që duan të shkojnë me meshkuj janë burra! Jo për gjë, por për injorancën tënde mendova të ndërhyja. Tani mos më sfido se ta marr burrin, sepse make up për të fshehur surratin nuk përdor, gjatësi po e po dhe b*thë lodhu sa të duash. Por hajt po të toleroj se po shfaq hapur pasiguri. Fatkeqësisht shumë vajza shqiptare janë të pasigurta”.
Ndërsa më pas Eltoni ka vazhduar duke shkruar: “Po unë që kështu kam lindur dhe nuk bëj sport? Nuk të ndihmoj dot në pasigurinë tënde. Të siguroj që meshkujt që kam rrëmbyer vishen si burra! Burra e çfarë burrash! Si mund të përdorësh ende në 2022 termat mashkull dhe femër, ndërkohë që janë fjalët djalë, çun, burrë dhe vajzë, gocë, grua? E pra vetëm maniakët seksualë emërtojnë sipas poshtë brekëve”.
Më pas ka shkruar “vajza, gra mos u lyeni kaq shumë se e para jeni bërë të gjitha kopje të njëra-tjetrën”.
“E dyta ngjani keq. E treta është se burrat e kanë realisht bezdi make upin. E katërta, kaq të pasigurta jeni sa po ju pamë fytyrën nuk do ju pëlqejmë? Mos duhet ta duani më shumë veten tuaj? Djemtë nuk janë konkurrentët tuaj. Kafshët nuk janë aksesorë! Nuk vishen me kordele dhe hidhen si lodra mbi krevat nëpër story! Kafshët unë i konsideroj individë dhe si të tillë duhen trajtuar. Si do ndihej ajo homofobja ta trajtonin si trajton ajo qenin e saj të detyruar të bëjë veprime jashtë natyrës? Apo injoranca ka opsionale fjalën natyrë? Faleminderit Zot që të paktën nuk më bërë injorant!”, shkruan më tej Iliriani.
