Blogerja Armina Mevlani, e cila është bërë pjesë e emisionit “Goca dhe Gra” si moderatore, ka treguar arsyen përse reagoi për protestën e thirrur nga Sali Berisha për të shkarkuar Lulzim Bashën.
Kujtojmë se Armina, reagoi në Instagram pas dhunës së ushtruar në protestë. Ajo i bëri thirrje Lulzim Bashës të tregojë pak dijitet.
“Kjo është situata e trishtë ku ndodhemi! Opozita “fallco” e mbështetur nga policia e shtetit, dhe opozita e vërtetë e dhunuar spse dëshiron të hyjë në shtëpinë e vet me të drejte dhe vota të plota!
Nuk ka bërë vaki që dikush të qëndrojë me dhunë kur demokratët nuk e duan, pak dinjitet zotëri, pak dinjitet. Megjithëse dinjitet e ke fjalë të huaj, sepse po ta njihje do ishe larguar që kur humbe për herë të 100″- shkruante Armina.
Armina ka zbuluar se mendimin e dha pa u ndikuar nga fakti që është partnerja e Shkëlzen Berishës, por e cilëson si anormale që të mbyllen dyert e PD për ish kryeministrin.
“Nuk ngatërrohem në politikë se nuk përkas. Jam rritur në familje artistësh, kjo nuk do të thotë se nuk kam një mendim. Pavarësisht se jam pjesë e familjes Berisha, gjykoj si e jashtme, jo si e diktuar se jam pjesë e familjes. Kam debatuar dhe për gjëra që nuk më kanë pëlqyer në një grup me miq, kam debatuar mendimin tim komplet e pandikuar. Për sa kohë nuk jam pjesë e politikës, nuk kam pse të përfshihem.
Përjashtimi i doktorit nga shtëpia e vet më duket anormale sepse janë shumë njerëz, më kthyen përgjigje se çfarë ka bërë gabim. Gabimet janë pjesë e politikës por për sa kohë që ke derdhur djersë, gjërat nuk bëhen në këtë formë nga një lider që 3 herë radhazi ka humbur. Ai thotë jam në krye të PD, por me kë njerëz, me kë mbështetës?”- tha Armina.
