Florenc Shabani, 40 vjeç, i akuzuar për vrasjen e ish-oficerit të krimeve Roland Rexhepi i njohur si ‘Doda’, në vitin 2009, është ekstraduar nga Gjermania, pas arrestimit atje.
“Ky shtetas është arrestuar nga autoritetet policore në Gjermani, falë shkëmbimit të informacionit mes Interpol Tiranës dhe autoriteteve policore gjermane”, njoftoi këtë të Mërkurë policia.
Gjykata e Rrethit Gjyqësor Elbasan, në shtator të vitit 2021, i ka caktuar këtij shtetasi masën e sigurimit personal “Arrest në burg”, për veprat penale ‘Vrasja me paramendim’ e kryer në bashkëpunim dhe ‘Armëmbajtja pa leje’.
Shabani, në datën 22 Korrik 2009, në lagjen “Vullnetari”-Elbasan, në bashkëpunim me persona të tjerë, akuzohet se ka vrarë me armë zjarri Roland Rexhepin.
Krimi dhe arrestimi në Gjermani
Emri/ I dyshuar për vra*jen e “Dodës”, arrestohet në Gjermani 1 nga 3 autorët
