Deputetja demokrate Albana Vokshi ka reaguar pas vendimit të Lulzim Bashës për përjashtimin nga PD të disa ligjvënësve demokratë që janë pjesë e Komisionit të Rithemelimit.
“Nga PD nuk më përjashtojnë dot ata që nuk kanë lidhje me PD-në”, shprehet Albana Vokshi.
“Nga PD nuk më përjashton dot një grup uzurpatorësh që PD-në e kanë mjet për pasurimin personal, ndaj e duan me çdo kusht. Ata nuk kanë lidhje as me demokratët as me demokracinë. I vetmi organ legjitim në Partinë Demokratike, mandatuar nga Kuvendi Kombëtar i 11 dhjetor 2022, është Komisioni i Rithemelimit të PD në të cilin unë jam anëtare”, shkruan ajo në një postim në rrjetet sociale.
“Lulzim Basha është shkarkuar me 4446 vota të delegatëve legjitim të Kuvendit Kombëtar të PD, vendim ky i ratifikuar në mënyrë unanime nga rreth 44 mijë anëtarë të PD në referendumin e dt 18 dhjetor 2022. Në demokraci sovrani vendos”, shton Vokshi.
