Nga Klodian Tomorri
Te kerkosh zgjidhjen e nje konflikti brenda nje partie politike me gjykate eshte idiotesia me e madhe. Supozojme se gjykata do te vendose qe Partia i takon Berishes ose Bashes. Cfare do te zgjidhte kjo?
Mos valle mbeshtetesit e Berishes do te thone; ah prit meqe gjykata tha qe PD i takon Bashes, e paskemi patur gabim? Tani duhet te pendohemi dhe do mbeshtesim Bashen. Apo anasjelltas?
Partia politike eshte nje organizem ku njerezit bashkohen vullnetarisht per shkak te bindjeve dhe ideve. A mund te kete vendim gjykate qe t’u thoje njerezve qe bindjet tuaja perfaqesohen nga kjo seli apo nga kjo logo? Gjykata ndan pronat, fut kriminelin ne burg. Por nuk cakton dot bindjet e njerezve.
Se dyti, te kerkosh zgjedhje brenda PD-se eshte utopi. Keta nuk japin proces dhe nuk kane per te dhene asnjehere.
Ndaj e vetmja zgjidhje racionale dhe optimale ne kete pike eshte ndarja e PD-se. Ndani partine dhe jepuni mundesi njerezve te zgjedhin ke te duan. Kaq e thjeshte eshte. Se keto qe po ndodhin ne opozite nuk po mbajne peng vetem PD, por po mbajne peng gjithe Shqiperine.
Partia nuk eshte selia, as logoja. Ato nuk kane asnje vlere. Hic. Partia eshte platforma e ideve dhe vlerave qe i ofrohet elektoratit. Dhe nuk te jep mbajtja e selise apo vules ndonje avantazh ne zgjedhje. Macroni e krijoi En Marche nga hici dhe brenda 1 viti fitoi zgjedhjet.
Krijoni dy parti. Zgjedhjet lokale po afrojne. Aty do merret vesh shume mire kush e perfaqeson popullin opozitar.
