Ish-ambasadori shqiptar në SHBA, Fatos Tarifa i cili u shkarkua nga detyra gjatë qeverisjes socialiste në kohën e Fatos Nanos, ka sulmuar ashpër ish-kryeministrin Sali Berisha, pas situatës së fundit në Partinë Demokratike.
I ftuar në Fax news në emisionin “Me Xhaxhiun” Tarifa tha se Sali Berisha ëhstë një fatkeqësi kombëtare.
Sipas tij ish-kryeministri duhet të ulte kokën në momentin që u shpall non-grata dhe jo të hedhë në gjyq Amerikën.
“Është vënë vetë ai në qendër të vëmendjes, pasi DASH e shpalli non-grata. Kjo e vuri në qendër. Ky njeri në vend të ulte kokën i turpëruar për atë imazh që ka krijuar për vendin tonë, filloi të kundërshtojë, të hedhë në gjyq Amerikën. Një kor i tere bretkosash që i shkojnë pas kërkojnë fakte nga DASH, dhe kanë idiotësinë ta thonë hapur. Nuk ka nevojë të tregojë prova një vend që nuk të dëshiron. Unë e kam konsiduar që 20 vite më parë një fatkeqësi kombëtare. Lëvizjen e tij në vitin 1992 e konsideroja si një lëvizje të një demokracie rrugë. Në rrugë ai gjeti mbështetje, sepse rrugën e bëri si mjetin per të ardhur në pushtet apo për ta mbajtur. Përsëri këtë po shohim. Nuk besoj se ka mbështetje të madhe. Rastësisht duke parë pamje nga stadiumi, që nuk te jepnin përshtypjen e një delegati të një partie. Kishte adoleshentë dhe njerëz që nuk dinin të jepnin intervista përse ishin aty“, tha ai.
Kujtojmë që Fatos Tarifa u shkarkua në vitin 2005 si ambasador i Shqipërisë në SHBA për korrupsion. Mediat në atë periudhë botuan një bisedë telefonike mes tij dhe një biznesmeni, ku kuptohej se Tarif do të përfitonte 4mijë dollarë në formën e ryshfetit.
Ndërkohë që Tarifa mbahet mend edhe për sulmet e tij ndaj Agron Tufës.
