VIDEO/ Berisha publikon pamjet: Shikoni narkobanditët e Lul Bravës se si godasin shtazërisht protestuesit

Ish-kryeministri Sali Berisha ka publikuar pamje nga dhuna e ushtruar ndaj protestuesve gjatë protestës së zhvilluar në PD.

“Shikoni Narkobanditet e Lul Braves se si godasin shtazerisht protestuesit”, shkruan Berisha në komentin që shoqëron pamjet e postuara në rrjetin social FB.

Teksa protestues tentonin të hynin në selinë e PD, persona të maskuar që dolën nga brenda selisë goditën me shkopinj protestuesit dhe hodhën spraj lotsjellës ndaj tyre. Një prej protestuesve u gjakos në pjesën e pasme të kokës nga dhuna e ushtruar.

LEXO EDHE  Mega-stoku në Gjykatën e Lartë/ Sadushi kërkoi reduktim të “rekurseve të kota”, Rama “këshillon” vartësit

Më pas, ndërhyri policia duke shpërndarë protestuesit me makina ujëhedhëse dhe gaz lotsjellës, që shkaktoi probleme shëndetësore te protestues dhe punonjës së mediave.

Ish-kryeministri Sali Berisha tha për mediat se protestat do të vijojnë.

Lulzim Basha ka njoftua një konferencë për mediat në seli. Po ashtu edhe Komisioni i Rithemelimit, që thirri protestën, ka njoftuar një konferencë për mediat më vonë gjatë ditës.