Kryetari i seksionit numër 8 të PD në Kombinat, Alban Hoxhaj, ka mbetur i plagosur gjatë ditës së sotme ndërsa protestohej në selinë e Partisë demokratike.
Hoxhaj ka mbetur i plagosur nga një predhë e lëshuar nga policia gjatë shpërndarjes së protestuesve.
Por se Hoxhaj ka qenë jashtë godinës së selisë së PD në momentin që ëhstë qëlluar nga një predhë e policisë, ai ëhstë trajtuar në mënyrën më çnjerëzore të mundshme, pasi jo vetëm që nuk i ëhstë dhënë ndihmë, por është mbajtur për disa orë në qeli.
Në një prononcim për mediat, Hoxhaj tha se sot ishte në protestë jo për Sali Berishën dhe as për Lulzim Bashën, por për të hyrë në selinë e PD e cila ëhstë shtëpia e demokratëve.
Ai theksoi se është goditur nga një predhë e policisë, e pas kësaj ëhstë dërguar në spital, ku ka marrë ndihmën e parë, or ka qenë oficerët e policisë të cilët e kanë detyruar të dalë nga spitali për ta shoqëruar në komisariat, ku pavarësisht se i kanë marrë deklaratën, ai ëhstë lënë për disa orë në qeli.
Hoxhaj theksoi se i kishte vënë në dijeni oficerët se përveçëse ishte i plagosur, ishte dhe i sëmurë dhe kishte nevojë për ndihmë mjekësore por askush nuk donte t’ia dinte.
Më poshtë janë deklarata e Hoxhajt e dhënë në polici si dhe dëshmia e tij para mediave:
