Bundesliga/ Fitojnë Leipzig dhe Hoffenheim, Leverkusen-Union Berlin mbyllet në barazim

Foto: AFP

Leipzig e ka rinisur në mënyrën më të mirë kampionatin për vitin 2022. Në gjysmën e parë të sezonit ekipi kishte shumë luhatje teksa ky vit ka vijuar shumë pozitivisht.

Në shtëpi ndaj Mainz, ekipi i Tedesco i ndihmuar edhe nga miqtë që luajtën me 10 lojtarë që nga minuta e 20’, triumfuan me rezultatin e thellë 4-1 ku portugezi Andre Silva shënoi një dopietë.

LEXO EDHE  Kumbulla: I lumtur për golin, tani po mbledh frytet e punës së këtyre muajve

Gjithashtu Hoffenheim vijoi të impresionojë edhe në këtë start të vitit ku falë fitores 3-1 në shtëpi ndaj Augsburg tashmë është kthyer në force e tretë në Bundesliga.

Bayer Leverkusen edhe në ndeshjen e parë për 2022 vijoi të tregojë shenja krize teksa i shpëtoi humbjes me një barazim në fund 2-2 përballë Union Berlin ndërsa po 2-2 u mbyll edhe ndeshja tjetër Freiburg-Bielefeld.