Në studion e Arjan Çanit tema e debatit është protesta e nesërme që do të organizohet në selinë e Partisë demokratike dhe ku Berisha ka thirrur mbështetësit për të nxjerrë nga zyra Lulzim Bashën. I ftuar është anëtari i kryesisë së PD, Fitim Zekthi, i cili thotë se nuk e di se çfarë mund të ndodh dhe se çfarë mudn të ketë në mendje Berisha. Ndërkohë analisti Arjan Curri flet për një skem të mirëorganizuar nga Berisha për mënyrën sesi do të shpërthejë dyert
“Nga pikëpamja morale nuk mund të shkohet dhe të goditet një seli.Por unë nuk jam në mendjen e Berishës dhe të them çdo të ndodh, sepse nuk e di se çfarë ka ai në mendje. Berisha ka një problem të madh me kohën dhe ai mezi pret të ndodh diçka. Por nuk e them dot se çfarë do bëj ai”, tha Fitim Zekthi.
Arjan Curri: Nëse nuk e nxjerr dot Bashën nesër, Berisha merr fund. Por dhe nëse Berisha futet, ai nuk e gëzon dot atë parti. Edhe Fatos Nano nuk u kthye më në parti. Berisha ka një mundësi vetëm nesër. Nesër në PD njerëzit do të shohin një pamje spektakolare, anticivilizuese, sepse duke rënë institucionet, qoftë ato të PD dhe nga ana tjetër policia nuk do të ndërhyjë dhe nga ana tjetër gjykata nuk e ka mendjen fare, nesër në PD do kemi luftë tëkohëve të shpellave, ku fiset përplaseshin me njëri-tjetrin. berisha nga njëra anë, i armatosur me një rififi ( çekiç) , mjete teknike paqësore 15 kg që edhe tërheq edhe shtyn. Kjo është porositur nga jashtë dhe është gati.
