Ish-Kryeministri Sali Berisha tha mbrëmjen e sotme në Syri TV se ka prova që Lulzim Basha dhe zëdhënsit e tij të ketë deklaruar se nuk e lëshojnë selinë pa gjak.
Berisha tha se nesër protesta do të jetë paqësore, ndërsa shtoi se hapja e dyerve me forcë, nuk është dhunë.
“Ne po shkojmë në shtëpinë tonë, selia e PD është selia e demokratëve, Lulzim Basha është i shkarkuar dhe nesër do të vendoset në vend vullneti i shumicës”, tha Berisha, duke shtuar se “pakica do të respektohet”.
Ish-Kryeministri deklaroi se nuk do të pranohet asnjë akt dhune, askush nuk do të dhunohet.
Berisha deklaroi se patii një tentativë për të shkatërruar pluralizmin, por nuk ia arritën.
“Nesër shumica vendos. Metodologjia? Protestë e fuqishme parësore. Ju do jeni aty, në mënyrë kategorike nuk pranojmë akt dhune. Hapja e derës me forcë nuk është akt dhune. Nëse tjetri mbyll derën e shtëpisë cfarë më mbetet mua? Të shqyej derën.
Unë po shkoj të hap dyert e shtëpisë time në mënyrën më paqësore. Do përdorim mjete të cilat hapin dyert e hekurta. Por kjo nuk është dhunë. Është hapje e derës së shtëpisë. As një qime floku nuk do i preket aaskujt. Nuk shkojmë për të cënuar askënd atje. Ai që nuk do të hyjmë aty është vetëm një, njeriu i shkarkuar nga anëtarësia”, tha Basha.
