FOTO/ Dorëhiqet pas 24 vitesh roja i PD, mesazhi për demokratët

Demokratët kërkojnë largimin e Lulzim Bashës nga selia e PD dhe për këtë nesër në orën 12:00 do të zhvillohet protesta kombëtare.

Një ditë para protestës, është larguar nga kjo parti edhe roja i saj, i cili prej 24 vitesh, gjendej në këtë seli

Ai është Pëllumb Matraku, roja i brendshëm i selisë së PD-së.

Dy ditë më parë ai njoftoi publikisht largimin nga puna, duke i kërkuar demokratëve të gjejnë gjuhën e përbashkët.

“Kam punuar 24 vite në PD. Jam shumë krenar që kam punuar me profesor doktor Sali Berishën. Në 2 legjislaturat e fundit kam punuar me Lulzim Bashën, i jam shumë mirënjohës. Sot (të mërkurën) bëra një largim para kohe sepse nuk më pëlqejnë disa reagime mes demokratësh. Bëni mirë të gjeni gjuhën, mos i bëni qejfin të tjerëve”, shkruan Matraku në “Facebook”.

LEXO EDHE  A po shkon Ballkani drejt tre kryeministrave shqiptarë? Çfarë po ndodh me Abazoviç

Dorëheqja e rojës së PD është në fakt i vetmi reagim gjakftohtë në kampin e demokratëve që prej nisjes së përçarjes dhe kaosit që solli vendimi i Bashës për të përjashtuar nga grupi parlamentar ish-kryetarin Sali Berisha.