Zyrtare/ Skuka firmos me Partizanin, detajet e kontratës

Tashmë është zyrtare, Xhuliano Skuka është futbollisti më i ri i skuadrës së Partizanit. Lajmin e ka bërë të ditur klubi nëpërmjet një postimi në rrjetet sociale, ku tregon se 23-vjeçari ka preferuar të bëhet pjesë e demave duke nënshkruar një kontratë deri në vitin 2024.

Sulmuesi pjesën e parë të sezonit ishte pjesë e skuadrës tjetër kryeqytetase, Dinamos ku nga 15 ndeshje ka arritur të aktivizohet në 13 sfida.

LEXO EDHE  Mourinho ndryshon qëndrim për Kumbullën: Ishte më i miri në fushë, është rritur si lojtar

“FK Partizani zyrtarizon arritjen e marrëveshjes me lojtarin Xhuliano Skuka. Sulmuesi 23-vjeçar dhe klubi kanë nënshkruar kontratën mes tyre të vlefshme deri në vitin 2024. Skuka golashënuesi më i mirë i sezonit të kaluar në kategorinë e parë, në 15 javët e këtij sezoni ishte pjesë e Dinamos skuadër me të cilën regjistroi edhe 13 prezenca”, thuhet në postimin e Partizanit.