VIDEO/ I vjedhin 18 mln lekë kushërirës, në kërkim çifti. Skema që përdorën

Një çift është shpallur në kërkim nga policia e Tiranës pasi akuzohen për vjedhjen e rreth 18 milionë lekëve (të vjetra). Autori akuzohet se ka vjedhur kushërirën, në bashkëpunim me të dashurën e tij.

Lefter Dauti, 36 vjeç banues në Tiranë, dhe Qamile Hakorja, 26 vjeçe, banuese në Peshkopi, Dibër, u shpallën në kërkim. Ata akuzohen për veprën penale “Vjedhja”, kryer në bashkëpunim.

Skema

Policia njoftoi këtë të Enjte se 36-vjeçari, pasi ka marrë informacion se kushërira e tij K.Gj. do të udhëtonte nga Peshkopia në drejtim të Tiranës me një valixhe me para, në bashkëpunim me të dashurën e tij Qamile Hakorja ka organizuar vjedhjen e valixhes.

LEXO EDHE  Emrat/ Nga Irani në Shqipëri, kush janë të arrestuarit që trafikonin klandestinë drejt Italisë

Qamile Hakorja është paraqitur si udhëtare në linjën e furgonit me të cilin do të udhëtonte K.Gj. dhe pasi ka udhëtuar disa orë, ka zbritur në Tiranë, duke marrë edhe valixhen, me pretendimin se ishte e saj.

Në cilësinë e provës materiale u sekuestruan 1.400.000 lekë të rinj, 2770 euro, 340 paund dhe disa bizhuteri floriri.