Aktivisti Titi Seranaj shprehet se fortifikimi mekanik që Basha po i bënë vetes në fakt është çarmatosje përfundimtare përballë opinionit publik në lidhje me legjitimitetin e tij në krye të partisë dhe figurën e liderit. Sipas tij, janë veprimet instiktive të njeriut në përpjekjet e fundit pasi ka humbur arsyen, ndërgjegjen dhe vetëdijen.
“Nuk ka asnjë mekanizëm moral, politik, juridik asnjë forcë natyrore dhe mbinatyrore që të pengoj deputetët të futen në selinë e tyre nga dera kryesore. Çdo përpjekje e dëshpëruar për ti ndaluar legjitimon të drejtën e gjithë veprimeve të tyre. Nuk ka asnjë forcë natyrore dhe mbinatyrore të pengojë antarët e partisë të hyjnë në sheshin e selisë apo dhe brenda sajë”, shkruan ai në një postim në rrjetet sociale.
“Pengesat dhe barrierat mekanike që ka ngritur Basha jo vetëm që janë të kapërcyeshme, por favorizojnë dhe i shërbejnë më së miri kauzës për largimin e tij”, shton.
