Eneo Bitri është një nga emrat e përfolur në këtë merkato dimri për t’u rikthyer te Partizani. Shtatlarti mbylli aventurën në Azerbajxhan me Astanën dhe tashmë gjendet në Shqipëri. Mësohet se drejtuesit e kuq e duan në skuadër dhe në këto kushte, kanë nisur prej disa ditësh bisedimet intensive.
Siç raporton Supersport, marrëveshja është shumë pranë dhe 25-vjeçari në ditët në vazhdim do të mund të vishet sërish i kuq. Ai prishi në mënyrë konsensuale kontratën me Astanën dhe kësisoj Partizani është ekipi që mund të përfitojë shërbimet e tij. Zhvillime të reja priten në vazhdim sa i përket të ardhmes së Bitrit, një nga futbollistët që sezonin e shkuar ishte titullar absolut me të kuqtë.
