FOTO/ Në plazh duke mbledhur guaska, “vuajtjet” e karantinës së yllit të Bayern

Foto: Getty Images

Kur flitet për karantinë, gjithmonë mendohet se je i mbyllur në banesë, pa pasur mundësinë të dalësh jashtë e të shijosh ajrin e pastër. Kjo vlen për shumëkënd, por jo për yjet e Bayernit, Manuel Neuer dhe Lucas Hernandez. Të dy kanë qenë me pushime në Ishujt Maldive dhe kanë rezultuar atje pozitiv ndaj COVID-19.

Dy lojtarët janë të detyruar të qëndrojnë atje derisa të rezultojnë negativ e më pas një udhëtim privat do t’i dërgojë në Mynih. Por ndërkohë, Neuer dhe Hernandez nuk po ia kalojnë aspak keq në atë që vetëm karantinë nuk mund të quhet.

LEXO EDHE  Serie A/ Juventus mposht lehtësisht Udinesen

Meqë në Maldive kanë pasur vila të izoluara nga të tjerët, lojtarët kanë mundur t’i gëzohen plazhit gjatë kësaj periudhe “karantine” dhe provat i ka treguar Amelia Jorente, bashkëshortja e Lucas Hernandez. Kjo e fundit ka postuar një foto në rrjetet sociale duke treguar barkun e saj në javën e 18 të shtatzënisë, meqë çifti pret një bebe, ndërsa në sfond duket lojtari i Bayernit teksa mbledh guaska në plazh.