Rikthehet Kategoria Superiore, ja axhenda e javës së 16-të

Foto: FSHF.org

Kategoria Superiore do të rikthehet të luajë pjesën e mbetur të sezonit më 15 dhe 16 janar.

Java e 16-të e kampionatit do të luhet në dy ditë, dhe sfida hapëse e këtij viti kalendarik do të jetë ajo mes Skendërbeut dhe Laçit, e cila do të luhet në Korçë në orën 13:45.

Vëmendja menjëherë do të përqendrohet tek sfida mes Kukësit dhe Dinamos, takim i cili do të luhet në orën 16:45 në stadiumin “Elbasan Arena”.

Ndërkohë ora 19:45 ka rezervuar derbin e Shqipërisë mes Tiranës edhe Vllaznisë, duel që do të luhet në stadiumin “Air Albania” në kryeqytet.

LEXO EDHE  Kupa/ Teuta mund Skënderbeun në transfertë, vendos goli i Hebajt

Me 16 janar janë rezervuar edhe dy takime të tjera të cilat do të luhen në të njëjtën orë, 13:45.

Në stadiumin “Arena Egnatia” do të luhet takimi Egnatia-Partizani dhe në stadiumin e qytetit të Kamzës do të zhvillohet dueli Kastrioti-Teuta.

Kategoria Superiore, java e 16-të:

15 janar 2022

13:45/ Skendërbeu-Laçi/ Stadiumi Skendërbeu

16:45/ Kukësi-Dinamo/ Stadiumi “Elbasan Arena”

19:45/ Tirana-Vllaznia/ Stadiumi “Air Albania”

16 janar 2022

13:45/ Egnatia-Partizani/ Stadiumi “Arena Egnatia”

13:45/ Kastrioti-Teuta/ Stadiumi “Kamza”