I plagosuri në Vlorë, kunati i vëllezërve Brahimaj/ Historia e konflikteve dhe ekzekutimeve me eksploziv

Diego Hanaj mbeti i plagosur mbrëmjen e sotme në Vlorë nga një atentat organizuar ndaj tij.

Hanaj ka qenë duke ecur në këmbë në trotuar në momentin që është qëlluar me armë nga persona ende të pa identifikuar.

Atentatorët e kanë ndjekur me makinë. Ende nuk është e qartë nëse kanë dalë nga mjeti apo e kanë qëlluar brenda tij. Por mësohet se 36-vjeçari ka vrapuar për t’i shpëtuar plumbave. Sipas të dhënave atentatorët kanë qenë brenda një makine tip Audi me xhama të zi.

Më pas, me plagë në duar, Diego Hanaj i është drejtuar për një dyqan ushqimor. Aty ka kërkuar ndihmë dhë më tej është nisur drejt spitalit. Sipas raportimeve ndodhet jashtë rrezikut për jetën.

LEXO EDHE  Sot, 16-vjetori i ndarjes nga jeta të Dr.Ibrahim Rugovës

I plagosuri në Vlorë është kunati i vëllezërve Brahimaj.

Tetë vite më parë në atentatin e dytë me eksploziv vdiq biznesmeni vlonjat Isuf Brahimaj. Ai i shpëtoi një tentative të mëparshme për ta ekzekutuar.

Lënda shpërthyese ishte vendosur në automjetin e markës “Mitsubishi”. Bajramaj, mbeti i vdekur në vend, ndërsa një vajzë mbeti e plagosur rëndë dhe mori djegie të shkallës së tretë nga zjarri i shkaktuar në makinë.

Pikërisht konfliktet e vjetra mendohet se janë edhe pistat e hetimit të këtij atentati.