Afrimi i Kallakut dhe efekti domino, mesfushori i Partizanit drejt largimit

Foto: Partizani.al

Ergys Kaçe është pranë largimit nga Partizani. Mesfushori që ka qenë pjesë e kombëtares kuqezi më herët, nuk ka treguar asgjë nga niveli i tij në 15 javët e para të sezonit me Demat. Forma jo e mirë e skuadrës dhe përshtatja e munguar me futbollin shqiptar kanë sjellë “hijen” e Kaçes.

Me të drejtë tifozët kanë pritur më shumë nga mesfushori, që ka një karrierë të larmishme me klubet elitare në Greqi. Tanimë drejtuesit e kuq po mendojnë largimin e Kaçes edhe pse kontrata me mesfushorin skadon verën që vjen.

LEXO EDHE  Tirana-Vllaznia/ Mbyllet pjesa e parë në “Air Albania”, ja rezultati (VIDEO)

Dje 16 herë kampionët e vendit prezantuan Sherif Kallakun, fantazistin e Kombëtares. Duket se yjet po shtohen te Demat, me Dritan Mehmetin që do duhet të gjejë pozicionet e duhura për ta në fushë. Me merkaton e hapur dhe një formë jo të mirë, duket se Kaçe po bën gati “valixhet” për t’u larguar nga kryeqyteti.