“2021 viti im më i mirë”, Tomori: Në 2022 dua të…

Fikayo Tomori rrëfehet mes së kaluarës, së tashmes dhe të ardhmes. Mbrojtësi anglez i Milan-it ka bërë një bilanc të sezonit të tij të parë me kuqezinjtë dhe duke folur në një intervistë të dhënë për kanalin zyrtar të klubit milanez, ai ka analizuar për eksperiencën e tij me kuqezinjtë dhe objektivat për vitin 2022.

“Viti 2021 ka qenë viti më i mirë i karrierës sime. Kam ardhur te Milan-i dhe kam luajtur Champions League. Këtu më pëlqen gjithçka”, ka thënë Tomori.

“Skuadra, trajneri, tifozët dhe qyteti, më pëlqen me të vërtetë gjithçka. Objektivi im në vitin 2022 është që të bëhem akoma më i fortë dhe të fitoj diçka këtu”.

LEXO EDHE  Zyrtare/ Bekim Balaj largohet nga klubi rus, Nizhny

Në lidhje me dëmtimin e Kjaer:

“Është për të ardhur keq për dëmtimin e Kjaer, na mungon shumë. Pas humbjes me Liverpool-in në San Siro kam qenë shumë i mërzitur, por mesazhet inkurajues të tifozëve më kanë ndihmuar shumë”.

Për sfidën me Roma-n:

“Është një skuadër e fortë, do të jetë e vështirë, por duhet ta mundim siç kemi bërë në fazën e parë. E njoh shumë mirë Abraham dhe e di sa i rrezikshëm mund të jetë, por do të kërkojmë ta ndalim”.