Dy grupe të rinjsh janë përplasur me njëri tjetrin në zonën e ‘Don Boskos’ në Tiranë dhe më pas janë përdorur edhe armët.
Deri më tani policia njofton se ngjarja ka ndodhur në një lokal në kompleksin e pallateve ‘Fiore Di Bosko’.
Burime paraprake thonë se një person ka mbetur i vrarë, ndërsa tre të tjerë të plagosur.
Ende nuk janë mësuar rrethanat e krimit të rëndë. Policia ndërkohë ka sekuestruar kamerat e sigurisë dhe po këqyr ato për të mësuar më shumë detaje rreth ngjarjes së rëndë.
Po ashtu, janë ngritur pika kontrolli në hyrje dhe daljet e kryeqytetit, me qëllim identifikimin dhe kapjen e autorit/ve.
