Talebanët kanë marrë një vendim të pazakontë. Mediat e huaja raportojnë se dyqanxhinjve në provincën perëndimore të Heratit në Afganistan, u është thënë t’u heqin kokat manekinëve, duke i konsideruar “idhuj mëkatarë”. Mediat e huaja raportojnëse talebanët e kanë marrë këtë vendim pasi manekinët mund të shihen si modele dhe “idhuj” nga gratë dhe vajzat, të cilat nuk kanë të drejta dhe liri.
Ministria fillimisht urdhëroi shitësit që t’i hiqnin plotësisht manekinet, por pronarët e dyqaneve u kundërpërgjigjën dhe thanë se kjo do të shkaktonte humbje të konsiderueshme financiare.
Adhurimi i idhujve konsiderohet mëkat në Islam, i cili e ndalon adhurimin e dikujt apo sendi tjetër përveç Allahut që konsiderohet si i vetmi Zot.
