Aktivistja Evi Kokalari, e cila është mbështetëse eish-kryeministrit Sali Berisha, si dhe pjesë e komisionit të përkohshëm të rithemelimit të PD-së ka reaguar përmes një postimi në Facebook pasi selia blu ndryshoi pamje me hyrjen e vitit të ri duke veshur xhamat dhe derën kryesore me letër ngjitëse me logon dhe simbolet e PD-së.
Në postimin e saj Kokalari shkruan se Lulzim Basha ka instaluar dyer të blinduara dhe xhamat. Sipas saj i ka mbuluar që të mos dallohen “ushtarët e armatosur” brenda.
Kokalari gjithashtu ka edhe një paralajmërim për kryedemokratin lidhur me atë që mund të ndodhë në protestën e 8 Janarit, nëse Lulzim Basha nuk lë selinë pas 2 ditësh.
Postimi i Kokalarit:
Lulzim Basha ka installuar dyer të blinduara dhe ka mbuluar të gjitha xhamat që të mos dallohen ‘ushtarët e armatosur’ brënda. Dy konkluzione mund të nxjerrim me këto veprime;
1- Lulit i ka hypur frika në palcë nga protesta paqësore e 8 Janarit
2- Luli po tregon karakterin e tij diktatorial ku i ka thënë vetes do ta mbaj selin peng me dhunë.
Nëse në 8 Janar ka trazira apo një Shqiptar plagoset, vijani fajet diktatorëve, dhe në këtë rast, nuk ka kthim mbrapa. Këto janë momentet që si shtetase Amerikane them, Allelujah për Nenin #2 të Kushtetutës Amerikane, që e mbron sovranin nga diktatorizmi qeveritar.
