Robert Lewandowski e shpalli veten lojtarin më të mirë në botë pasi iu kërkua të zgjidhte mes Cristiano Ronaldos dhe Lionel Messit.
Ylli i Bayernit shkëlqeu në vitin 2021, teksa shënoi 69 gola për klubin dhe ekipin kombëtar, por kjo nuk ishte e mjaftueshme për të fituar Topin e Artë.
Lewandowski mori pjesë në Globe Soccer Awards 2021 në Dubai dhe i pyetur se kush është lojtari më i mirë mes Ronaldos dhe Messit, Lewandowski tha:
“Unë zgjedh Lewandowskin”, tha polaku i madh në një intervistë në Expo Dubai, duke e bërë edhe një herë të qartë se ai duhet ta kishte fituar Topin e Artë.
“Kisha shumë pikëpyetje për Topin e Artë. Vitin e kaluar ata e anuluan çmimin dhe unë fitova gjithçka që munda të fitoja. Këtë vit shënova 69 gola në një sezon, kështu që ju e dini … Unë bëra gjithçka që munda. Në Ligën e Kampionëve kundër PSG-së u lëndova dhe nuk munda të luaja, por me me veten time, kur qëndroj para pasqyrës, mund të jem i lumtur dhe të them se jam krenar që respektoj lojtarët e tjerë. E di që është e rëndësishme për mua të jem mirë me veten dhe të mendoj gjithmonë pozitivisht”, përfundoi ai.
Lewandowski po shkëlqen edhe në sezonin aktual dhe tashmë ka shënuar 30 gola në 25 paraqitje.
