Kombinimi i varianteve Delta dhe Omicron po çon drejt një “tsunami me raste të reja të Covid-19”. Kështu ka deklaruar kreu i Organizatës Botërore të Shëndetësisë (OBSH), Tedros Adhanom Ghebreyesus.
“Ky kërcënim i dyfishtë po e ngarkon dhe do ta ngarkojë edhe më shumë shërbimin spitalor, me mjekët që janë të lodhur tashmë dhe me sistemin shëndetësor në prag kolapsi”, tha kreu i OBSH-së.
Tedros Adhanom Ghebreyesus kërkoi që në mes të vitit 2022, 70% e popullsisë së botës të jetë e vaksinuar, ndërkohë që pothuajse 100 shtete ende nuk kanë arritur vaksinimin 40% të popullsisë së tyre.
Aktualisht, në botë regjistrohen rreth 900 000 raste të reja çdo ditë me koronavirus.
