Dhjetëra mijëra njerëz u zgjuan në mëngjesin e Krishtlindjeve nga një surprizë një bamirës i papritur – banka Santander.
Banka gabimisht depozitoi 150 milionë euro në 75,000 llogari të klientëve të saj dhe të bankave të tera më 25 dhjetor.
Stafi i Santander-it tani po nxiton për të korrigjuar këtë gabim dhe tërhequr sërish paratë, megjithëse puna po bëhet më e vështirë, sepse shumica e tyre u depozitua në llogari në bankat rivale, sipas The Times.
Gabimi ndodhi kur pagesat nga 2000 llogari biznesi u kryen dy herë.
“Na vjen keq që për shkak të një problemi teknik, disa pagesa nga klientët tanë të korporatave janë dubluar gabimisht në llogaritë e marrësve”, tha banka në një deklaratë.
“Asnjë nga klientët tanë nuk mbeti në asnjë moment jashtë xhepit si rezultat dhe ne do të punojmë fort me shumë banka në të gjithë Britaninë e Madhe për të rikuperuar transaksionet e dyfishta gjatë ditëve në vijim.”
Banka tha se gabimi mund të ketë nënkuptuar që disa njerëz, në fakt, janë paguar dy herë nga llogaria e punëdhënësit të tyre, megjithëse pagesa e dytë është financuar nga banka Santander.
Një menaxher i bankës, i cili kërkoi të mos emërohej, i tha BBC-së se “gabimi” u ka shkatërruar pushimet, pasi punonjësit u thirrën me shpejtësi në punë për ta korrigjuar atë.
Banka tha se Santander nuk kishte dhënë asnjë informacion se si firmat duhet t’i shpjegojnë stafit pagesën e dytë ose se si duhet të shlyhet.
Banka theksoi se tashmë kishte filluar të fliste me bankat rivale – të cilat The Times tha se përfshinin Barclays, HSBC, NatËest, Co-operative Bank dhe Virgin Money. Santander tha se edhe ato banka “do të shikojnë të rikuperojnë paratë nga llogaritë e klientëve të tyre”.
Megjithatë, nuk ishte e qartë se si do të përgjigjeshin bankat nëse klientët e tyre i kishin shpenzuar tashmë paratë.
