Tani është zyrtare: Marco Lanna emërohet presidenti i ri i Sampdorias. Mbledhja e aksionarëve të klubit sanksionoi emërimin si drejtues kryesor të Sampdorias të ish-futbollistit, që kishte veshur fanellën e kësaj skuadre nga viti 1987 deri më 1993, përpara eksperiencës së tij të dytë në Genoa në sezonin 2001-2002.
Pas një përvoje të shkurtër si drejtor sportiv, Lanna kthehet te Sampdoria si president, duke pasuar Massimo Ferrero, të dorëhequr.
Mbledhja e aksionarëve përcaktoi edhe fytyrat e reja brenda Bordit të Drejtorëve të klubit: Gianni Panconi, Antonio Romei dhe Alberto Bosco. Për Sampdoria, pra, një epokë e re hapet me kthimin në shtëpi të një flamuri të dikurshëm.
