Linjat ajrore në të gjithë botën kanë anuluar më shumë se 4.500 fluturime gjatë fundjavës së Krishtlindjes, pasi përhapja e COVID-19, kryesisht variantit Omicron, krijoi më shumë pasiguri dhe vështirësi për udhëtarët.
Trafiku ajror drejt dhe nga Shtetet e Bashkuara të Amerikës përbën më shumë se një të katërtën e të gjitha fluturimeve të anuluara këtë fundjavë, sipas komoanisë së fluturimeve FlightAware.
Ndër kompanitë e para amerikane që njoftuan një valë anulimesh gjatë fundjavës së Krishtlindjes ishin United Airlines dhe Delta Air Lines, të cilat së bashku anuluan gati 280 fluturime vetëm dje, duke përmendur mungesat e stafit mes një shpërthimi në rritje të infeksioneve me COVID-19.
Ditët e fundit, rastet e COVID-19 në SHBA janë rritur për shkak të llojit shumë ngjitës Omicron, i cili u zbulua për herë të parë në nëntor dhe tani përbën pothuajse tre të katërtat e infeksioneve në SHBA, dhe madje 90% të rasteve në disa zonave.
Numri mesatar i rasteve të reja të koronavirusit në Shtetet e Bashkuara është rritur 45% në 179,000 në ditë javën e kaluar, sipas një artikulli në prestigjozen Reuters.
Vetëm dje, 24 dhjetor, Nju Jorku regjistroi më shumë se 44,000 infeksione të reja të konfirmuara, duke tejkaluar rekordin ditor të shtetit.
