Shqetësimet në lidhje me disponueshmërinë e karburantit në javët e ardhshme nuk tregojnë shenja të pakësimit.
Gazeta britanike “Financial Times”, duke cituar të dhëna nga firma analitike Cirium, raporton se linjat ajrore globale kanë shkurtuar dy milionë vende nga oraret e tyre të majit në dy javët e fundit.
Gazeta raporton se mijëra fluturime janë anuluar dhe disa linja janë operuar me aeroplanë më të vegjël ose më efikasë në konsumin e karburantit për të kursyer karburant në pritje të ndërprerjeve të mundshme të furnizimit.
Që nga fillimi i luftës në Iran në fund të shkurtit, kostoja e karburantit të avionëve është dyfishuar, sipas Financial Times, duke i detyruar linjat ajrore të rrisin çmimet e biletave.
Transportuesit e Gjirit, përfshirë Emirates, Etihad dhe Qatar, fluturimet e të cilëve ende po rimëkëmben pas ndërprerjes në javët e para të konfliktit, kanë ripërcaktuar oraret e tyre të majit, duke përfshirë anulimin e fluturimeve, tregojnë të dhënat e Cirium.
Numri i përgjithshëm i vendeve të disponueshme në të gjitha linjat ajrore gjatë majit ka rënë nga 132 milionë në 130 milionë midis mesit dhe fundit të prillit, sipas shifrave.
Transportuesit ndërkombëtarë nga British Airëays dhe United te China Air dhe ANA e Japonisë kanë shkurtuar ose shtuar gjithashtu kapacitete të konsiderueshme, duke riorganizuar rrjetin e tyre për të lehtësuar pengesat në udhëtimet globale.
Ndërkohë, mbyllja e aeroporteve të Gjirit, të cilat shërbyen një të tretën e fluturimeve evropiane për në Azi, ka shkaktuar ndërprerje të konsiderueshme të trafikut global.
