Marsel Ismajlgeci nuk ishte në ndeshjen e djeshme. Shkak është bërë gjendja gripale që ka kaluar këto ditë. Lojtari kishte temperaturë dhe stafi nuk e rrezikoi që ta hidhte në fushë.
Gjithsesi, nga ana e “Panorama Sport” është mësuar se lojtari është shumë pranë firmosjes së një marrëveshjeje me një ekip, ndërsa Marseli nuk do të jetë me shumë mundësi pjesë e Tiranës nga janari e në vazhdim.
Prej asaj që mësohet, menaxherët e lojtarit do të sjellin një propozim për sportistin. Janë tri kampionate ku mund të firmosë Ismajlgeci: Holandë, Kroaci ose Hungari. Bëhet fjalë për Ferencvaroshin, Fejnordin dhe një mes Hajdukut ose Goricës në Kroaci. Për momentin, nga bardheblutë pritet një vendim.
Menaxherët e klubeve jo vetëm vazhdojnë të vlerësojnë mundësinë e një firme me lojtarin e Tiranës. Nga ana tjetër, bardheblutë për këtë transferim janë të gatshëm, ndërsa bisedimet nisin nga 400-500 mijë euro.
