Komisioni i Rithemelimit të PD-së e ka përforcuar qëndrimin e tij ndaj ish-kryetarit të PD-së, Lulzim Basha, pavarësisht proceseve ligjore që mund të nisin.
Deputetja Albana Vokshi e pyetur sot nga gazetarët, para Gjykatës së Tiranës, deklaroi se “askush dhe asgjë nuk mund të cenojë vendimin e sovranit demokrat.
“Basha është thjesht deputet, i shkarkuar dhe vendimi është ratifikuar nga 44 mijë demokratë që kanë votuar duke demonstruar ushtrimin e demokracisë së drejtpdrejtë”, tha ajo.
E pyetur për vazhdimësinë ose jo të protestave nga opozita, Vokshi theksoi se Komisioni i Rithemelimit të PD-së mblidhet çdo ditë dhe po i shqyrton të gjithë hapat që do të ndërmarrë.
