Pak orë para finales së ‘Miss World’, 23 garuese rezultojnë pozitive me Covid-19/ Shtyhet konkursi më i madh i bukurisë

Konkursi i “Miss World” që këtë vit do të zhvillohej në Porto Riko, është shtyrë për shkak të infektimeve me Covid-19. 23 nga 97 konkurrentet kanë rezultuar pozitive në testin e koronavirusit.

Në një deklaratë disa orë para fillimit të konkursit, organizatorët thanë se po e ri-caktonin finalen, duke përmendur ‘interesin për shëndetin dhe sigurinë e garueseve, stafit, ekuipazhit dhe publikut të gjerë’.

Në një konferencë për shtyp të Departamentit të Shëndetësisë në Puerto Riko, epidemiologia Melissa Marzan, u tha gazetarëve se kishte pasur 38 raste pozitive të lidhura me “Miss World”, 15 persona staf dhe 23 konkurrente. Ajo konfirmoi se ishin organizatorët e konkursit dhe jo autoritetet e ishullit, që morën vendimin për ta shtyrë ngjarjen.

LEXO EDHE  "Je shumë keq...."/ Çfarë i tha Elgiti-Donaldit në vesh

Organizata e Miss World tha se finalja do të organizohet dhe do të mbahet brenda 90 ditëve të ardhshme.