Nishani: Sot protestojmë kundër hajnisë dhe tradhëtisë, që u bënë bashkë

Protestë kundër hajnisë dhe tradhëtisë, e ka cilësuar ish-Presidenti Bujar Nishani, protestën e organizuar sot para Kryeministrisë.

Nishani tha se hajnia e gjen kurajon për të vjedhur sepse i bashkohet edhe tradhëtia, ndaj dhe ne sot po protestojnë kundër të dyjave.

“Ballkani i hapur është projekti më anti-europian dhe më anti-perëndimor”, tha Nishani, duke shtuar se po tentohen të kthehen fantazmat e ish-Jugosllavisë nën hegjemoninë e Serbisë.

Në vijim ai tha se afera e inceneratorëve është një pikë e vogël nga vjedhjet 8 vjeçare të kësaj qeverie nga xhepat e gjithë qytetarëve.

LEXO EDHE  Gjendet pas 5 ditësh vajza e zhdukur në Vlorë

Nishani tha se hajnia dhe tradhëtia pasi asgjesuan institucionet, tentuan të kapin edhe opoyitën, e cila ishte shpresa e vetme e shqiptarëve.

“Po a mund ta marrin peng hajnia dhe tradhëtia opozitën, Partinë Demokratike? JO, ata mund të marrin peng një person apo një grup personash, por kurrë PD dhe demokratët. Hajnia s´do gjejë vrimë ku të futet, ndërsa tradhëtia do të përballet me secilin prej nesh”, tha Nishani.