Nga Taulant Halili
Kryeministri Edi Rama ka reaguar mjaf i indinjuar pas djegies së flamurit serb në Tiranë, duke theksuar se turpin do ta mbajnë mbi vete ata që e bënë një veprim të tillë dhe jo ai vetë.
kryeministri i Shqipërisë sot ishte i shqetësuar për këtë veprim të një qytetari ndërsa protestohej para kryeministrisë, por nuk ka reaguar as edhe njëherë të vetme për djegien e simboleve shqiptare.
Kryeministri Edi Rama nuk ka thënë asnjë fjalë për djegien e flamujve shqiptarë sa herë ai vizitonte Bogradin.
Rama nuk tha asnjë fjalë kur në nëntor të 2014-s kombëtarja shqiptare e futbollit u dhunua pa mëshirë nga huliganët serbë dhe simbolet shqiptare u përdhosën e u dhunuan pafund.
Madje Rama u kujdes që serbëve jo vetëm që të mos u prekej një qime floku në ndeshjen e kthimit në Tiranë, por përkundrazi vetë shqipatrëve tu dukej vetja si të huaj në stadiumin e tyre.
Edi Rama nuk tha asnjë fjalë ndërsa serbët prej muajsh provokojnë në terrirotin kosovar, por përkundrazi i bën thirrje kryeministrit Albin Kurti për qetësi, madje edhe të harrojnë gjakun e derdhur lumë për Kosovën e pavarur.
Pikërisht ky atdhetari Edi Rama, ky proeuropian e perëndimor, ka disa vite tashmë që lobon për rikthimin e Jugosllavisë së re, pas të cilave fshihen qartë interesat ruse.
E pra ky Edi Rama që sot i vinka turp për djegien e një flamuri serb në Tiranë nga një qytetar, nuk ka folur asnjë fjalë për masakrën e Sebrenicës ku serbët vranë, torturuan, dhunuan e përdhunuan shqiptarë të kosovës.
Sot ky kryeministri i Shqipërisë, ky ylli polar që kërkon të udhëheqë procesin e Ballkanit të Hapur që vetëm shqiptarëve nuk ju intereson, u turpërua nga djegia e një flamuri që ka me qindra vjet që djeg e përvëlon troje shqiptare.
Sot Edi Rama nuk foli e nuk u turpërua as si shqiptar, e as si politikan, por u prek dhe u indinjua si një çetnik që kërkon rikthimin e Jugosllavisë së re, fantazma që kanë filluar të lëvizin mbi rajon që prej momentit që rilindasit erdhën në pushtet. /Boldnews.al
