Në studion e ‘Open’, juristi Çlirim Gjata foli me tone të ashpra kundër nismës ‘Open Balkan’. Ai shtoi se protesta e sotme ishte vetëm fillimi dhe një protestë e thirrur brenda 24 orëve. Ai shtoi se SHBA bëri gafën më të madhe që zgjoi bishën, gjigandin Berisha.
“Projekt antikombëtar, antishqiptar. Asnjë qeveri nuk mund të bëjë marrëveshje të tilla, aq më tepër mes Shqipërisë, maqedosnisë së Veriut dhe Serbisë, ku ka interesa të shteteve që përplasen fortë. Të ulesh e të bësh marrëveshje, pa një konsensus mbarëkombëtar dhe të plotë politikë brenda vendit, kjo nuk mund të kuptohet. Protesta e sotme ishte e thirrur brenda 24 orëve, por ajo që tregon ajo është se Berisha është thirrur në betejë. Gafa që e SHBA-së është ajo që thirrën Berishën në betejë. Zgjuan gjigandin. Këtu nuk ishin 43 mijë demokratë. Por protesta nuk është numër. edhe një njeri i vetëm mund të bëjë ndryshimin. Kjo protestë është e para që nga viti 1998 ‘Një komb një qëndrim’. Problemi është që drejtuesit e sotëm, ose ish-drejtuesit e PD-së nuk thonë asgjë për ‘Open Balkan’. Kjo është katastrofë për Shqipërinë. Sot u dha një premtim madhor që PD kur të vij në pushtet do të shfyqizojë të gjitha vendimet që ka firmosur Rama-Vuçiç e Zaev.”
