Pas djegies së flamurit serb në Bulevardin “Dëshmorët e Kombit”, burimet policore bëjnë me dije se disa persona pritet të shoqërohen në komisariat.
Mësohet se policia po vëzhgon pamjet filmike të regjistruara nga media por edhe kamerat e sigurisë në Bulevard apo agjentët në terren, për të identifikuar autorët.
Siç janë transmetuar edhe në pamjet që kanë qarkulluar nga protesta, shumica e personave që kanë bërë veprime të tilla janë adoleshentë dhe të mitur.
Menjëherë pas përfundimit të protestës, policia ka inspektuar vendet ku janë djegur flamujt ku janë mbledhur edhe materialet hetimore.
