Gazment Bardhi lexoi këtë të Hënë një listë emrash, për të cilat tha se janë anëtarë të Këshillit Kombëtar të PD, që morën pjesë në Kuvendin e 18 Dhjetorit.
“Është shumica absolute e Këshillit Kombëtar prezent në Kuvendin Kombëtar. Konfirmohet shumicë në Kryesi, shumicë në Këshill, shumicë në Kuvend Kombëtar. Të përqendrojmë energjitë tona në luftë me regjimin e Edi Ramës. Tollovia e këtyre muajve në PD nuk u shërben demokrateve dhe PD. Çdo institucion i PD ka folur. Kryesia, Këshilli, Kuvendi. Kemi detyrimin t’i bindemi institucione të partisë. Prandaj të fokusohemi në betejën me Edi Ramën”, tha Bardhi në një deklaratë për mediat.
Ai tha se Kuvendi i 11 dhjetorit, si dhe referendumi që shkarkoi Bashën si kryetar i PD-së është i jashtëligjshëm.
“Në vend të transparencës, u kyçen dyert për gazetarët. Kishte zero transparence, siç ndodh në çdo celulë ilegale. Premtuan transparencë për publikimin e emrave të delegateve dhe nuk e bënë. U premtua transparence prej zotit Berisha, por gazetaret nuk u lejuan as të futeshin në stadium. Nuk ka ndodhur kurrë më parë kjo. Nuk ju lejuan sepse në stadium do të gjenit konditë të Jozefina Topallit të futur si delegatë, njerëz të Tom Doshit, të futur si delegatë. Përgjegjësia jone është të bëjmë transparencë për opinionin publik”, tha ai.
Bardhi shtoi se në referendumin e së Shtunës kanë votuar njerëz që sipas tij, s’kanë lidhje me PD. Ai u shpreh se kryetari i LSI në degën e Divjakës ka votuar në referendum, si dhe drejtorë të emëruar nga Rama.
“Për të ashtuquajturin referendum nuk ka asnjë të dhënë kush ka votuar dhe si ka votuar. Mund t’ju them se ka votuar një kryetar i LSI në Qarkun e Fierit. Ne 92-shin ka qenë anëtar, në këtë kohe ka ndërruar disa parti, por ka shkuar të votojë me kartën e 92-shit, megjithëse është kryetar i LSI për Divjakën. Partia ka rregulla të qarta në statut kush quhet anëtar. Ne dijeni tuaj, kanë votuar edhe drejtorë të emëruar nga Edi Rama, që kane hequr demokratë nga puna. Në 18 dhjetor ka patur vetëm 1 aktivitet politik të PD, Kuvendi Kombëtar. Të tjerat janë aktivitete private, që bëjnë listat e tyre, sipas dëshirës së tyre”, tha ai.
