Gazment Bardhi lexoi ditën e sotme emrat e delegatëve pjesëmarrës në takimin e 18 dhjetorit në Pallatin e Kongreseve, ku nuk kishte si të mungonte edhe përgënjeshtrimi nga ana e tyre, si jo pjesëmarrës në këtë miting.
Një prej tyre është edhe Ilir Dervishi, delegat i PD Krujë, i cili ka denoncuar se nga selia e Partisë Demokratike i është përmendur emri nga dy deputetë si pjesëmarrës në mitingun e datës 18 dhjetor.
Në postimin e tij në Facebook, Dervishi ka theksuar se në datën 18 ka qënë në grupin e punës për referendumin e shkarkimit të Lulzim Bashës.
Postimi i plotë i Ilir Dervishit:
Sqarim për demokratët e Krujës dhe të gjithë miqtë e mi..!
Sot nga selia e Partisë Demokratike më është përmendur emri nga dy deputetë si pjesëmarrës në mitingun e datës 18 dhjetor.
Dua të sqaroj se unë kam marrë pjesë në të vetmin kuvend legjitim, atë të 11 dhjetorit i thirrur nga delegatët, dhe me 18 dhjetor kam qenë pjesë e proçesit të referendumit në grupin e punës së degës së Krujës.
Ngjashmëria ime e emrit me një funksionar tjetër të PD nuk ka të bëjë me mua si individ, dhe dua të përgënjështroj përdorimin e emrit tim, përkushtimi im është në zbatim të vullnetit të demokratëve krutanë dhe shqiptarë për një PD:
#MëTëBashkuar
#MëTëFortë
#MëTëHapur
