Agjensia e Mbikqyrjes Policore, nga shkrirja e SHÇBA te ekzaminimi poligrafik i policëve

Ministri i Brendshëm Bledi Çuçi, prezantoi sot në Kuvend, projektligjin për Agjencinë e Mbikëqyrjes Policore. Ai tha se SHÇBA me projektin e ri merr përgjegjësinë që të udhëheqë procesin që nga fillimi dhe ka si objekt parandalimin, zbulimin dhe hetimin e shkeljeve administrative dhe veprave penale në polici dhe gardë, inspektimin, shqyrtimin dhe trajtimin e ankesave, procesin e Vettingut në polici si dhe verifikimin e punonjësve.

Por ligji parashikon që struktura aktuale e SHÇBA të kthehet në një strukturë civile, pra pa grada, dhe kjo është menduar për të mos pasur konflikt interesi me subjektet që do të ketë në mbikqyrje. Çka do të thotë se struktura ekzistuese e SHÇBA do shkojë drejt shkrirjes.

“Ligji për Agjencinë e Mbikqyrjes Policore është i rëndësishëm, ligji për SHÇBA nuk është shumë i vjetër por dinamika e zhvillimeve në këto vitet e fundit sidomos në sistemin e drejtësisë kanë bërë të detyrueshëm draftimin e këtij ligji të ri. Një element tjetër shumë i rëndësishëm lidhet me rekomandimet e partnerëve tanë ndërkombëtarë”, tha Çuçi.

LEXO EDHE  Ngacmoi s*ksualisht adoleshenten, ja kush është biznesmeni i arrestuar në Fier

Sipas tij, përmes këtij ligji, synohet reformimi i shërbimit si një agjenci inteligjente për të luftuar korrupsionin duke e përafruar me agjencitë homologe.

“Parandalimi zbulimi dokumentimi i veprimtarive kriminale në subjektet e shërbimit. Në radhë të parë është kalimi i kësaj strukture në një strukturë civile. Zhveshja nga gradat dhe krijimi i një strukture civile duke shmangur konfliktin e interesit me subjektet që mbikqyr. Risi tjetër është se përcakton detyrime të akteve të tjera ligjore. Procesi i ekzaminimit poligrafik, për të gjithë personelin”, tha Çuçi.