Ish-Kryeministri Sali Berisha njoftoi pak ditë më parë zhvillimin e një proteste kundër “Open Balkan”, ndërsa e lidhi këtë me vizitën e President serb, Aleksandar Vuçiç, në Tiranë.
Duke qenë se Vuçiç viziton nesër Tiranën, protesta është caktuar të mbahet po nesër në orën 16:00, ku pjesëmarrësit do të mblidhen fillimisht në selinë e PD, për të marshuar më pas drejt Kryeministrisë.
Protesta mbështetet edhe nga Komisioni i Rithemelimit të PD, ndërsa sot deputeti Kreshnik Çollaku u shpreh se është dakort të protestojë dhe kundërshtojë nismën e Open Balkan.
Në rrjetet sociale, ai e konsideron nismën që mbështetet nga Kryeministri Edi Rama, Aleksandar Vuçiç dhe Zoran Zaev, si një ngjarje politike që përçau thellësisht botën shqiptare.
Postimi nga Kreshnik Çollaku
MiniShengeni ose Open Ballkani eshte nje projekt total ne sherbim te Serbise dhe politikave hegjemonike te Serbise ne Ballkan.
MiniShengeni/Open Ballkani eshte ngjarja politike qe percau thellesisht boten shqiptare.
MiniShengeni/Open Ballkani vuri perballe Prishtinen me Tiranen.
MiniShengeni/Open Ballkan eshte formula serbe e vasalizimit te Shqiperise dhe shtypjes e cenimit te Kosoves.
I kam kerkuar kryeminitrit Rama qe ne seancen e pare te Parlamentit qe Shqiperia duhet te terhiqet totalisht mga MiniShengeni ,ose te pezulloje pjesmarrjen derisa Serbia te njohe zyrtarisht integritetin territorial dhe pavaresine e Kosoves.
————-
Sic jam i gatshem te mbeshtes kundershtimin e Open Ballkan ne cdo forme,po ashtu nuk kuptoj se si mund te behet kjo ne Tirane me mbeshtetesit e MiniShengenit ne Washington…?!
