Nuk ka ditë më të bukur për Thomas Muller. Bayern Munchen e mbyll me fitore vitin 2021 duke konsoliduar vendin e parë ndërsa lojtari gjerman festoi 400 ndeshje me fanellën e bavarezëve dhe në mënyrën më të mirë të mundshme.
Mesfushori shënoi në fitoren e pastër 4-0 ndaj Wolfsburg në “Allianz Arena” duke i hapur rrugë suksesit për skuadrën e Nagelsmann. Pas golit të Muller në 7’, Upamecano shënoi të dytin në 57’, Sane në 59’ dhe Lewandowski në 87’ per të plotësuar “pokerin” në këtë ndeshje.
Edhe për Lewandowskin vjen një tjetër rekord, duke mbyllur vitin 2021 me 43 gola të shënuar. Një shifër e jashtëzakonshme.
Me këtë fitore Bayern Munchen arrin kuotën e 43 pikëve duke blinduar vendin e parë për këtë vit por edhe për javët e tjera të vitit 2022.
Gjithsesi, Thomas Muller tashmë rritet në paraqitje por rekordin e mban Neuer me 454 ndeshje te klubi bavarez.
