Genc Pollo u shpreh në “Intervistë” në “A2” se ngjarjet e 21 janarit ndodhën për shkak të neglizhimit të masave nga ana e ministrit të Brendshëm, që në atë kohë ishte Lulzim Basha.
“Për mua, 21 janari ishte dështim i masave. U nënvlerësua nga policia informacioni që po përgatitej një miting i madh, me një bërthamë të madhe të dhunshme. Policia ishte e papërgatitur, pasi ministri i Brendshëm dhe drejtori i përgjithshëm i policisë neglizhuan masat që ka rregullorja”, tha Pollo.
“Një javë më pas, Edi Rama doli përsëri dhe bëri një kortezh të paqtë, pas presioneve që i kishin bërë. Këtë herë, policia i bëri të gjitha sipas rregullores. Në oborrin e brendshëm të kryeministrisë ishte një zjarrfikëse, që duhet të jetë çdo herë që ka një miting potencialisht të dhunshëm. Ditën e 21 janarit, ajo zjarrfikëse nuk ishte. Ishte jashtë. Policët ishin pa kundragaz dhe i shkoi në fytyrë gazi lotsjellës”, shtoi Pollo.
Sipas tij, “për shkak të nënvlerësimit në nivele të larta, policia nuk zmbrapsi dot falangat e dhunshme”.
Pollo shpjegoi më tej: “Gardhi i policisë u ça dhe këto falanga ishin përballë me Gardën. Garda nuk është polici, nuk ka shkopinj gome, as gaz lotsjellës, as nuk menaxhon dot turmën… Garda është njësi ushtarake me armë zjarri. Shtiu në ajër dhe patëm 4 viktima. Megjithëse janë dënuar gardistë nga gjykata, nuk jam i sigurt që fajin e kishte garda. Policia duhet të kishte bërë detyrën e vet. Berisha zgjodhi që të mbronte Bashën, ndërsa Basha…”
