Kryetarja e LSI-se Monika Kryemadhi ka publikuar dokumentin e firmosur nga kryetari i Bashkisë së Tiranës, Erion Veliaj që pranon të paguajë 430 milionë euro për 30 vjet për incineratorin e Tiranës.
Gjithashtu, ajo tha se eshte përgjigja e Erion Veliajt pro ngritjes së inceneratorit të Tiranës pas kërkesës së Sekretarit të Përgjithshëm të Ministrisë së Mjedisi, Alqi Bllako.
“Kjo është një tabelë e cila është e firmosur dhe vulosur nga Bashkia e Tiranës, që Bashkia e Tiranës do t’i paguajë inceneratorit të Tiranës në 30 vjet 430 milionë euro. Vetëm në vitin e parë, që në 2018, Bashkia e Tiranës i ka dhënë 1 milionë euro në bashkëpunim me buxhetin e shtetit 4.5 milionë euro. Vetëm vitin e parë i ka dhënë 5 milionë euro. Lejen për ndërtimin e inceneratorit dhe landfillit të Tiranës, zoti Rama e ka dhënë në maj 2019, pra Bashkia e Tiranës dhe qeveria shqiptare i kanë dhënë inceneratorit të Tiranës mbi gati 6 milionë euro për një ndërtim pa leje. Leja është dhënë në 17 maj të 2019. Kjo tabelë dhe ky ndërtim ka një firmë të zotit Erion Veliaj. Me 4 rreshta zoti Veliaj mer përsipër të firmosi dhe t’i japë inceneratorit të Tiranës 430 milionë euro për 30 vjet. Po të kishte një sistem drejtësie dhe të ishim një shtet demokratik, më e pakta do të ishtë detyruar për të dhënë dorëheqje kryetari i bashkisë së Tiranës. Por cfarë ka ndodhur? Ligji për pushtetin vendor dhe vetëqeverisjen, neni 54 nuk lejon të kalojë asnjë para nga buxheti bashkisë pa miratimin e Këshillit Bashkiak. Kompetencat e Këshillit Bashkiak, miraton buxhetin dhe ndryshimet e tij. Erion Veliaj në kundërshtim me ligjin në shkelje të hapur dhe shfrytëzim të drejtëpërdrejtë të autoritetit si kryetar bashkie ka marrë kompentencat jo vetëm të Këshillit Bashkiak por dhe të qarkut të Tiranës” , tha Kryemadhi për emisionin “Te Paekspozuarit” në MCN televizion.
